JINSI YA KUJUA KAMA UMETENDA DHAMBI

Bwana yesu asifiwe mpendwa, nakusalimu katika jina la Yesu aliye Bwana na mwokozi wa maisha yetu.

Karibu katika makala yetu hii ya AMKA UKUE KIROHO ambapo leo tutakwenda kujifunza kwa njia ya maswali na majibu.

SWALI:

(a)   Nitajuaje kama nimetenda dhambi

(b)   Nifanyeje ili niweze kuishi maisha matakatifu katika  KRISTO

Answer
(a)  Maana ya dhambi?

 Ni kuvunja sheria za Mungu., na maagizo yake imeandikwa, 1Yohana 3:4 "kila atendaye dhambi afanya uasi." 1Yohana 5:17 yasema Kila lisilo la haki ni dhambi na dhambi iko isiyo ya mauti."

   *Dhambi, ni msukumo wenye nguvu ambao unatufanya sisi tupende kuziendea njia ambazo ni kinyume kabisa na mapenzi ya Mungu. Kwa hiyo, badala ya kubarikiwa kwa kuyafuata mapenzi ya Mungu, tunaadhibiwa kama tutaishi kwa kuzifuata na kuishi kwa kufuata tamaa za Shetani, ambazo ndizo dhambi. Njia na matendo ya Shetani ni kinyume kabisa na zile za Mungu. Mungu anazichukia dhambi (Mithali 6:16-19). “kuna vitu sita anavyo vichukia Bwana, naam, viko saba vilivyo kwake. Macho ya kiburi, ulimi wa uongo, na mikono imwagayo damu isiyo na hatia, moyo uwazao mawzo mabaya, miguu iliyo myepesi kukimbilia maovu, shahidi wa uongo asemaye uongo, naye apandaye mbegu za fitina kati ya ndugu.”atendaye dhambi ni wa Ibilisi; (au Shetani)  kwa kuwa Ibilisi hutenda dhambi tangu mwanzo. (1Yohana 3:8).” Atendaye dhambi ni wa ibilisi; kwa kuwa ibilisi utenda dhambi tangu mwazo. Kwa kusudi hili mwana wa Mungu alidhihirishwa,ili azivunje kazi za ibilisi.”

MAMBO/ ISHARA ZITAZO DHILISHA KUWA UMETENDA DHAMBI:

Ø  Kukosa Amani ndani ya moyo:

mtu aliye tenda dhambi siku zote anakuwa ni mtu aliyekosa amani mbele ya uso wa Mungu. Kwani moyo wake na nafsi inakuwa katika hali ya mashindano. Mfano ulio rahisi mototo mdogo akiwa ametenda kosa kwa kujua au kwa kututojua pengine hata kwa bahati mbaya. Mtoto huwa anakosa amani na kufikria atasema nini kwa Baba au mama pia anakuwa mtu wa mawazo juu ya adhabu hatakayo pewa. “kuna siku moja nilimfanyia mtu utani wa kawaida sana lakini akawa amechukia sana. Ghafla baada ya muda nikajikuta nami nimekosa amani , nikamwendea na kumwomba msamahaa”

*Nawe ukiona huna amani jaribu kukaa na kutafakari kuona je kuna mahari hukutenda haki?

Ø  Aibu kutawala ndani yako:

Dhambi inamfanya mtu kuwa na aibu  ndani ya moyo wake. Tuna jua ya kuwa ishara ya kwanza ya Adamu na Hawa kugundua kuwa wamemtenda Mungu dhambi ni pale aibu ilipo tawala ndani yao. Nakisha kukimbia kwenda kujificha Soma (Mwanzo 3:8-14). “  ... Bwana Mungu akamwita Adamu, akamwambia huko wapi? Akasema nalisikia sautinyako bustanini, nikaogopa kwa kuwa mimi ni uchi; nikajificha...” Dhambi kamwe haiwezi kujificha  itajidhirisha tu kwa namna yeyote hile.

Ø  Upendo wako na Mungu unapungua:

Kuna mtumishi mmoja aliwahi kusema “ ukiona upendo wako na Mungu umepungua basi na ujichunguze moyoni mwako”. Dhambi inaondosha upendo baina ya mtu  na Mungu. Mungu alikuwa na upendo mwingi sana dhidi ya mwanadamu, lakini mara baada ya mwanadamu kumtenda Mungu dhambi upendo wake kwake ulitoweka na kisha kumfukuza katika bustani ya EDEN ( bustani ya uzima wa milele) na kasha kumpa adhabu.

           

ü  Utaona kushindwa kutimiza mapenzi ya Mungu siku zote (kaa ukijua ya kuwa tayari dhambi imekwisha tawala ndani yako)

ü  Mahusiano yako na Mungu kuanza kufifia au kutoweka taratibu (dhambi inakawaida ya kuaribu husiano uliopo kati ya mwanadamu na Mungu).

Ø  Kushindwa kuona/ kupokea Baraka zako kutoka kwa Mungu:

Dhambi inakwaida ya kuzuia; kufunga au hata kuaribu baraka za mwanadamu, ukiona upokeia baraka yoyote, mambo yako hayaendi, kila ulifanyalo ufanikiwi. Rudi kaa chini na utafakari ni wapi ambapo hujaweka mambo sawa na kisha  uweze kuweka mambo yako sawa kwa kufanya toba na kumrudia Mungu.

Ushuhuda:

Kuna mama mmoja aliwahi kuugua kwa kipindi kirefu sana na kuzunguka zunguka takribani kila mahali kutafuta matibabu  na halifanya hivyo pasipo mafanikio yeyote na kisha kupelekwa nje ya nchi lakini nako hakupata matibabu yeyote ya kumwezesha kupona. Baadae alikumbuka kuna dhambi aliwahi kutenda “ ya kumsema vibaya mchungaji. Basi yule mama alirudi na kisha kumtafuta huyo mchungaji na kumwomba msamahaaa na hazikupita siku nyingi mama hakawa mzima.

(b)   MAMBO YA KUFANYA ILI HUWEZE KUISHI MAISHA MATAKATIFU:

Ø  Maombi

Ø  Kumwamini Mungu

Ø  Kumtii Mungu

Ø  Kumpinga shetani na Mambo yake yote

Ø  Kumpokea Yesu KRISTO kuwa Bwana na mwokozi wako

Ø  Kupokea ujazo wa Roho Mtakatifu

Ø  Kusoma neno la Mungu

             (Yakobo 4:7-8). “Basi mtiini Mungu. Mpingeni shetani, naye atawakimbia. Mkaribieni Mungu, naye atawakaribia ninyi. Itakaseni mikono yenu, enyi wenye dhambi, na kuisafisha mioyo yenu, enyi wenye nia mbili.”

            (Mathayo 4:1-10). “...kisha ibilisi akamchukua mpaka mlima mrefu mno, akamwonyesha miliki zote za ulimwengu, na fahari yake, akamwambia, hay yote nitakupa,ukianguka kunisudujia. Ndipo Yesu akamwambia nenda zako shetani kwa maana imeandikwa msujudie Bwana Mungu wako, umwabudi yeye peke yake.”

·         Mahali pengine Bible inasema “Kama watoto wa kutiimsijifananishe na tamaa zenu za kwanza, za ujinga wenu bali kama yeye aliyewaita alivyomtakatifu, nanyi iweni watakatifu katika mwendendo wenu wote. ( 1petro 1:14-16)

Yako mambo mengi ambayo kwa namna moja ama nyingine yanaweza kukusaidia kuishi maisha matakatifu katika KRISTO:

ü  Epuka mazingizara ambayo yatakupelekea kutenda dhambi “Biblia yangu inaniambia katika Mithali 1;10 “Mwanangu wenye dhambi wakikushawishi  wewe usikubali”

ü  Kuwa mtu mwenye msimamo na imani ulio nayo usiruhusu dhambi ikutawale.

ü  Kuwa mtu mwenye bidiii katika kuhudhuria semina, mbalimbali za neno la Mungu, mafundisho, nyumba za ibada ( kanisani) hii itakusaidia.

                                              *********** UBARIKIWE******

@Imeandaliwa na

Ev, Mwl Linus Siwiti

0766466209/0652303709

Email: linussiwiti12@gmail.com

Kwa mwendelezo wa mafundisho zaidi ya neno la Mungu tembelea  AMKA UKUEKIRIHO. www.amkaukuekiroho1.blogspot. Na kwa ushauri kuhusiana na maisha ya wokovu tuma ujumbe katika email yangu. www.mbugudaniel@gmail.com. Au wasiliana nami kwa kutuma ujumbe kwenda  kwajia ya sms au wattspp kwa  Mungu akubariki